8 Sep 2009 (Tue)
位於銅鑼灣鬧市的金雀餐廳，是王家衛導演取景的致愛..
《花樣年華》、《2046》曾於這裡拍攝，餐廳內有一個"2046"的2人餐單呢..
之前電視節目也曾介紹過此餐廳，不過我還是第1次惠顧...

這裡的"特餐"及"常餐"也十分豐富，兩者價錢上的分野就是那塊"石斑"~
難得一場黎到，當然試個full set啦...嘻~~
　

先來羅宋湯，湯很濃而且配料足，好好飲喎...

之後就到"石斑"啦，我覺得平平無奇，但個汁就幾好味..

跟著就是主菜，我要了個雜扒，有牛扒、牛脷、豬扒、雞扒 & 腸仔..
真是很豐富，件件扒的size較細，但牛脷就最大件，幸好它的味道不錯..
比起金鳳，起碼這裡的扒有肉味，好吃得多...

最後就是餐飲 + 甜品 ~ 是雪糕新地...
聽聞這裡的雪糕係自家製，villian雪糕好香 & 好滑呀...

除了order set外，我地仲額外叫了個菠蘿大蝦沙津..
沙津汁好味呀，但個沙津有較多薯仔同埋菠蘿係罐頭菠蘿...哈..
淨食這個沙津已經十分飽肚了..

這裡的service很好，每一道菜也是等你食完一樣才慢慢上..
唔似其他地方咁拿拿臨逼你走..
若然單以金鳳與金雀，我會愛後者的食物及service多一點...XP